അകമേ എരിയുക
ആരെയോ അതിയായി സ്നേഹിച്ചു
ഹൃദയം ചോർന്നൊലിക്കുമ്പോൾ,
ഏകാകിത്വത്തിന്റെ മരുഭൂവിൽ
നിശബ്ദം ചെന്നടിയുക
ഒറ്റപ്പെടലിന്റെയുഗ്ര താപത്തിൽ
സധൈര്യം വെന്തുരുകുക,
കൃതജ്ഞതയുടെ ബാഷ്പധാരയിൽ
മോഹമാം മണൽക്കൂനകളലിയിച്ചു കളയുക,
ആരുടെയോ വിശുദ്ധ പ്രയാണത്തിലെ,
പേരില്ലാത്തൊരു ദീപമാകുവാൻ
സ്വയമൊരു സ്നേഹ ജ്വാലയായ്
അന്ത്യം വരെയും നിന്നെരിയുക.
ഹൃദയം ചോർന്നൊലിക്കുമ്പോൾ,
ഏകാകിത്വത്തിന്റെ മരുഭൂവിൽ
നിശബ്ദം ചെന്നടിയുക
ഒറ്റപ്പെടലിന്റെയുഗ്ര താപത്തിൽ
സധൈര്യം വെന്തുരുകുക,
കൃതജ്ഞതയുടെ ബാഷ്പധാരയിൽ
മോഹമാം മണൽക്കൂനകളലിയിച്ചു കളയുക,
ആരുടെയോ വിശുദ്ധ പ്രയാണത്തിലെ,
പേരില്ലാത്തൊരു ദീപമാകുവാൻ
സ്വയമൊരു സ്നേഹ ജ്വാലയായ്
അന്ത്യം വരെയും നിന്നെരിയുക.
എരിഞ്ഞേരിഞ്ഞോടുവിൽ ഒരു തെളിവ് പോലും അവശേഷിപ്പിക്കാതെ ....
ReplyDeleteഎരിഞ്ഞെരിഞ്ഞൊടുവിൽ പുനർജ്ജനിക്കും, മറ്റൊരാളായി ☺️
Deleteഅങ്ങനെയും ജീവിക്കാം.... അല്ലെ?
ReplyDeleteസ്വയം വീണ്ടെടുക്കും വരെ... ☺️ നന്ദി ഉമ.
Deleteഒറ്റപ്പെടലിന്റെ മരുഭൂമിയിൽ ചെന്ന് പെട്ടാൽ തന്നെ എന്റെ വെടി തീരും.
ReplyDeleteവെന്തുരുകാൻ ഒന്നും കാണില്ല ബാക്കി.
അവസാനത്തെ വരിയിലെ
മാർഗ്ഗ നക്ഷത്രമെന്ന ആശയത്തിന്റെ തെളിച്ചത്തിന്,എരിഞ്ഞു തീരുന്ന ദീപമോഹത്തിന് സലാം
സ്വയം വെളിച്ചമാവുകയാണ് വേണ്ടതെന്നു ഇപ്പൊ തോന്നുന്നു. അത് മറ്റുള്ളവർക്ക് കൂടി കിട്ടുകയും ചെയ്യും ☺️
Deleteഅങ്ങനെ എരിഞ്ഞുതീരാൻ പാടുണ്ടോ?
ReplyDeleteപലപ്പോഴും നാം പോലുമറിയാതുള്ള ഒരെരിഞ്ഞു തീരലാണ് ജീവിതം. നന്ദി സുധി വായനക്ക്.
Deleteവിശുദ്ധ പ്രയാണങ്ങൾക്കു വെളിച്ചം നൽകാൻ എരിഞ്ഞു തീരുന്നത് മഹത്വം... സ്വയം വെളിച്ചമാകുന്നതും മഹത്വം തന്നെ... എന്നാൽ അത് രണ്ടിന് വേണ്ടിയും ഒറ്റക്ക് നിന്ന് ജ്വലിക്കുക എന്നത് കരുത്തു വേണ്ട കാര്യമാണ്... ഒറ്റയായ് നിൽക്കുന്ന വിളക്കുകൾ എന്നുമെന്റെ ഹൃദയത്തിനരികെ ❤️❤️
ReplyDeleteഎത്രവട്ടം ചാരമാവണം,പുനർജ്ജനിക്കണം,അധികം നീളമില്ലാത്ത ഈ ആയുസിനിടയിൽ.☺️ മനസ്സറിഞ്ഞുള്ള ഈ ആസ്വാദനത്തിന് നന്ദി സൂര്യ 😊
DeleteReplyDelete
'അവനാത്മസുഖത്തിനാചരിക്കുന്നവ-
ReplyDeleteയപരന്നു സുഖത്തിനായ് വരേണം'
ആശംസകൾ
വായനക്ക് നന്ദി sir☺️.
Deleteഒറ്റപ്പെടൽ ചിലപ്പോൾ ആശ്വാസമാണ്
ReplyDeleteഅവനവൻ കൂട്ടാകുന്നതല്ലേ ഏറ്റവും വലിയ ശക്തി ! വായനക്ക് നന്ദി പ്രീത ☺️
Deleteഒറ്റപ്പെടലിന്റെയുഗ്ര താപത്തിൽ
ReplyDeleteസധൈര്യം വെന്തുരുകുക,
കൃതജ്ഞതയുടെ ബാഷ്പധാരയിൽ
മോഹമാം മണൽക്കൂനകളലിയിച്ചു കളയുക...
നന്ദി ☺️
Delete